د اسد ۲۴مې ورځې د نمانځنې په موخه د مهترلام ښار د ښکلا چارې روانې دي
د اسد د ۲۴مې د فتحې ورځې د نمانځنې په موخه د مهترلام ښاروالۍ له لوري د ښار د ښکلا او منظمولو چارې روانې دي
په یادو کارونو کې د ښار د ګلدانونو رنګول، د فلزي او ټوټیي بېرغونو لګول، د فتحې ورځې د مبارکۍ او عامه پوهاوي بېنرونو نصبول، او په برېښنايي تنویري پایو کې د ښکلا لپاره د رنګینو ګروپونو لګول شامل دي
مهترلام ښاروال الحاج مولوي نظر محمد عتیق وايي، یادې چارې د اسد د ۲۴مې ورځې په درناوي ترسره کېږي چې ټول ښار به په رڼاګانو او بېرغ باندې وپوښل شي
یاده دې وي چې د اسد ۲۴مه، د افغان ملت د قربانیو، سرښندنو او خپلواکۍ د بیا ترلاسه کولو ورځ ده چې هر کال په ټول هېواد کې د ویاړ، ملي غرور او خاصو مراسمو سره نمانځل کېږي
