د مهترلام ښار د هندواڼو پلورونکو څخه تعهد واخیستل شو
د مهترلام ښاروالۍ د تخنیکي او مسلکي چارو آمریت له لوري د مهترلام ښار له هندواڼو پلورونکو څخه د ښاري نظم او پاکوالي د تأمین په موخه تعهد واخیستل شو
د یاد تعهد پر مهال پلورونکو ژمنه وکړه، چې خپل کاروبار به یوازې په خپلو غرفو او د ښاروالۍ له لوري په ټاکل شویو ځایونو کې ترسره کوي او له پلو لارو او عامه ځایونو څخه به د غیرقانوني استفادې ډډه کوي
همداراز د تخنیکي او مسلکي آمریت مسؤلینو یادو پلورونکو ته سپارښتنه وکړه، چې د ښار پاکوالي، ښاري نظم او چاپېریال ساتنې ته ځانګړې پاملرنه وکړي او د خپلو فعالیتونو پر مهال د کثافاتو له خپرېدو مخنیوی وکړي
