د مهترلام ښار د ګلدانونو د خړوبولو چارې په منظم ډول جریان لري
د مهترلام ښاروالۍ د تنظیف او زرغونتیا مدیریت زیارکښو کارکوونکو له لوري د ټانکرونو په وسیله د ښار د ګلدانونو، ګلانو، زینتي بوټو او چمنونو د اوبه کولو چارې هره ورځ د منظم پلان له مخې ترسره کېږي، ترڅو شنې ساحې زرغونې او تازه پاتې شي
مهترلام ښاروال الحاج مولوي نظر محمد عتیق وايي، د ښار د زرغونتیا ساتنه او پراختیا د ښاروالۍ له مهمو لومړیتوبونو څخه دي او په دې برخه کې به هڅې په دوامداره توګه روانې وساتل شي
نوموړی له ټولو ښاریانو څخه غوښتنه کوي چې د ښاري نظم ترڅنګ د ګلدانونو او شنو ساحو په ساتنه کې د ښاروالۍ له کارکوونکو سره همکاري وکړي، ترڅو ښه منظم او زرغون ښار ولرو
