لغمان کې د مهترلام ښاروالۍ له لوري د یوې بلې پروژې چارې پیل شوې

د مهترلام ښاروالۍ د ۱۴۰۵ کال د پروژو په دوام د ښاروالۍ له داخلي بودیجې د ۲ نیم میلیونه افغانیو په ارزښت د شهید مولوي حبیب الرحمن پارک د احاطې دجوړیدو چارې پیل شوې
د یادې پروژې بنسټ ډبره د لغمان والي الحاج قاري بختیار معاذ، مهترلام ښاروال الحاج مولوي نظر محمد عتیق، د بېلابیلو ادارو مسؤلنیو، د ښاروالۍ آمرینو، انجنیرانو، ګذر وکیلانو او مشرانو له لوري کېښودل شوه

والي وویل، لغمان کې د بیارغونې کارونه په منظم شکل جریان لري چې په ترڅ کې به یې سږکال لس ګونه پروژې پلي شي، او د ولایت ګڼ شمیر ځوانانو ته به د کار زمینه برابره شي، نوموړي زیاته کړه لغمان ته یې پاملرنه ډیره ده هڅه کوي ټولو برخو کې ددې ولایت د خلکو لاسنیوی وکړي

مهترلام ښاروال الحاج مولوي نظر محمد عتیق وویل، سږکال په مهترلام ښار کې د ښاروالۍ له داخلي بودیجې ۱۲ د بیارغونې پروژې ترسره کېږي، چې دا د یادو پروژو په لړ کې څلورمه پروژه وه چې چارې پیل شوې، له دې وړاندې د حاجیانو کلي د سرک، د شاپینګ مال غرب طرف ته د پارک د احاطې او د ښاروالۍ دویمې او دریمې ناحیو ته اداري تعمیرونه جوړول دي چې چارې یې پیا شوي دي

نوموړي زیاته کړه چې د شهید مولوي حبیب الرحمن پارک چارې د دوه نیم میلیونه افغانیو په ارزښت پیل شوې چې په څلورو میاشتو کې به یې کارونه بشپړ شي
هغه همداراز وویل چې په یاده پروژه کې به په ورځني ډول به شاوخوا ۳۰ کسانو ته د کار کولو زمینه هم برابره شي

د سیمې اوسیدونکي د یاد پارک په جوړیدو سره خوشاله دي او وايي، چې د تفریح او مطالعې یو ښه ځای ورته برابریږي