مهترلام ښاروال په دویمه ناحیه کې د حاجیانو سرک له چارو څخه لیدنه وکړه او د کار په ښه کیفیت یې ټینګار وکړ
د مهترلام ښاروالۍ له لوري د دویمې ناحيي اړوند د حاجیانو د کلي د سرک د جوړیدو چارې په منظم شکل د پلان له مخې روانې دي چې نن مهترلام ښاروال الحاج مولوي رحمت الله شهامت چې تخنیکي او مسلکي امر انجنیر زاهد الله مجددي یې ملتیا کوله د یادې پروژې له کارونو څخه لیدنه وکړه
ښاروال د پروژې مسؤلینو باندې د ښه معیاري او اساسي کار کولو ټینګار وکړ او ترې یې غوښتنه وکړه چې کارونه د پلان مطابق پر وخت ترسره کړي
یاده پروژه چې د مهترلام ښاروالۍ له داخلي بودجې د ۱۰ میلیونه افغانیو په ارزښت پیل شوې د ۳۶۰ متره په اوږدوالي او ۱۵ متره په پلنوالي سرک کانکریټ اچول، دواړه خواړو ته یې ویالې، پلې لارې او یو طرف ته یې استنادي دیوال جوړول شامل دي چې اوس مهال یې کارونه په منظم شکل جریان لري
د یادونې وړ ده چې په دغه پروژه کې په ورځني ډول شاوخوا ۳۰ کسانو ته د کار کولو زمینه هم برابره شوې ده
