په مهترلام ښار کې د سبزي مارکیټ او مدقق روغتون ترڅنګ ویالې پاکې او کثافات انتقال شول
د مهترلام ښاروالۍ د تنظیف مدیریت د دوامداره خدمتونو په لړ کې، د دویمې ناحیې اړوند د سبزي مارکیټ او د مدقق روغتون ترڅنګ د ویالو پاکولو او د کثافاتو د راټولولو او انتقال چارې ترسره شوې
دا فعالیت د ښاروالۍ د تنظیف زیارکښو کارکوونکو له لوري د ښار د پاکوالي، د اوبو د بهیر د عادي کولو، او د ښاري ککړتیا د مخنیوي په موخه ترسره شو، چې پکې د یادو ساحو له ویالو څخه راایستل شوي خځلې، خټې او نور کثافات یو مناسب لیرې ځای ته انتقال او د چاپېریالي اصولو مطابق دفن شول
د مهترلام ښاروالۍ مشرتابه ټینګار کوي چې دا ډول پاککاري به دوامداره وي، تر څو ښار پاک او د ښاریانو لپاره د ژوند وړ چاپېریال برابر شي
همداراز نوموړی له ټولو ښاریانو غوښتنه کوي چې د ښار د پاک ساتلو په برخه کې له ښاروالۍ سره همکاري وکړي او له بېځایه کثافاتو غورځولو څخه ډډه وکړي
