د مهترلام ښاروالۍ د تنظیف زیارکښو کارکوونکو د فعالیتونو دوام
نن یو ځل بیا د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري د لومړۍ ناحيې اړوند د ویالو او پلچکونو د پاکولو ترڅنګ د کثافاتو د انتقال چارې ترسره شوې
یاده چاره د مامور عزت الله نیازي په مشرۍ ترسره شوه، چې له ویالو او پلچکونو څخه خټې، خځلې او کثافات راویستل شو چې یو ليرې ځای ته انتقال او د چاپېریالي اصولو مطابق به دفن شي
د یادونې وړ ده چې د مهترلام ښاروالۍ د تنظیف ډله د پلان له مخې ټولو ناحیو ته د پاک چاپېریال ساتنې په موخه رسیدنه کوي او ښاریانو ته پاک او منظم چاپېریال برابروي
