د مهترلام ښاروالۍ له لوري د ښاریانو ستونزو ته رسېدنه وشوه
مهترلام ښاروالۍ د ښاریانو د ستونزو د حل او د ښاري خدمتونو د ښه والي په موخه د مهترلام ښار د درېیمې ناحیې اړوند د اقوامو او قبایلو ریاست مخې ته د تخریب شوي سړک د بیارغونې چارې پیل کړې دي
یاد سړک چې د خراب وضعیت له امله یې ښاریانو ته د تګ راتګ پر مهال ستونزې جوړې کړې وې، د مهترلام ښاروال الحاج مولوي نظر محمد عتیق په ځانګړې لارښونه د ښاروالۍ د تخنیکي او مسلکي آمریت له لوري یې چارې پیل شوي چې په اساسي او معیاري شکل به ورغول شي
د مهترلام ښاروال په وینا چې د روان کال په ترڅ کې به د مهترلام ښار په یو شمېر سړکونو کې د داغګیرۍ او ترمیم چارې هم ترسره شي، ترڅو ښاریان په اسانۍ تګ راتګ وکړي
