د تنظیف او سرسبزۍ مدیریت له لوري د پارکونو او سرک عمومي ګلدانونو د منظم کولو او ښکلا چارې پیل شوي

د کوچني اختر د راسیدو په مناسبت د مهترلام ښاروالۍ د تنظیف او سرسبزۍ مدیریت زیارکښو کارکونکو له لوري د مهترلام ښار په پنځه واړه پارکونو او د سرک عمومي ګلدانونو کې د ښکلا په موخه په ګلانو او زینتي بوټو کې د ډیزین وهلو چارې پیل شوي دي
د تنظیف او سرسبزۍ مامور انجنیر ریحان الله آریان وویل، چې یاد کارونه یې د مهترلام ښاروال الحاج مولوي رحمت الله شهامت په لارښونه د کوچني اختر د راسیدو په مناسبت پیل کړې چې په ټولو پارکونو کې به د ښکلا په موخه په ګلانو او زینتي بوټو کې ډیزینونه ووهل شي
د یادونې وړ ده چې د مهترلام ښاروالۍ د تنظیف او سرسبزۍ مدیریت له لوري هره ورځ د پلان له مخې د پارکونو ونو، زینتي بوټو او ګلانو ته اوبه هم ورکول کېږي