د مهترلام ښار د ویالو او پلچکونو پاک کاري ترسره شوه

د ښاري نظم د پاک چاپېریال ساتنې په موخه د مهترلام ښاروالۍ د لومړۍ ناحيي د تنظیف زیارکښو کارکونکو له لوري نن د مهترلام ښار د سلطان غازي بابا ښارگوټي دروازې څخه تر شهید عبدالله پښتون چوک پورې د عمومي سرک دواړو خواوو ویالو او پلچکونو پاک کاري ترسره شوه
یاده پاک کاري کې له ویالو او پلچکونو څخه کثافات راټول کړل شول او یو مناسب ځای ته به انتقال او دفن کړل شي
د مهترلام ښاروالۍ د تنظیف زیارکښ کارکونکي د سهار له ۷ بجو څخه تر مازیګر ناوخته پورې د مهترلام ښار په پنځه واړه ناحیو کې خپل فعالیتونه کوي او خلکو لپاره پاک چاپېریال برابروي
مهترلام ښاروالۍ رهبري له ټولو ښاریانو څخه غوښتنه کوي چې د ښار په پاک چاپېریال ساتلو کې له ښاروالۍ سره همکاري وکړي، کثافات د ښاروالۍ له لوري په لګول شویو کثافت دانیو کې واچوي ترڅو د ښاروالۍ د تنظیف ډله یې یو لرې ځای ته انتقال او دفن کړي