په دریمه ناحیه کې د نیالګیو کینولو لپاره د ځایونو جوړیدو چارې روانې دي

د مهترلام ښاروالۍ د تنظیف او سرسبزۍ مدیریت له لوري د مهترلام ښار اړوند دریمه ناحیه کې د نیالګیو نهال لپاره د ځایونو د کیندلو چارې د پلان له مخې په منظم شکل جریان لري.
د مهترلام ښاروالۍ د تنظیف او سرسبرۍ مامور انجنیر ریحان الله آریان وویل، چې دوی د مهترلام ښاروال الحاج مولوي رحمت الله شهامت په لارښونه سږکال نیالګیو، زینتي بوټو او ګلانو د ګرلو او نهال کولو لپاره د ځایونو جوړولو چارې پیل کړې، چې د ټولو نیالګیو او ګلانو لپاره به په منظم شکل د پلان له مخې ځایونه جوړ او وګرل شي
نوموړي وویل چې تر دې دمه یې د مهترلام ښار پنځه واړه ناحیو کې شاوخوا یونیم زر نیالګیو لپاره ځایونه منظم کړې او لا هم دغه لړۍ دوام لري
د یادونې وړ ده چې تیرکال د مهترلام ښاروالۍ له لوري په مهترلام ښار کې ۱۱ زره میوه لرونکي او غیرې میوه لرونکي نیالګي کینول شوي ؤ چې د ټولو ښه پالنه شوې او تازه ساتل شوي دي