د باغ داود مارکیت افتتاح
مهترلام ښاروالۍ د ۷۰ عصري هټیو په لرلو بل سوداګریز مارکیټ د حوت په ۲۸نیټه په مهترلام ښار کې ګټې ته وسپاره.
د دغه سوداګریز مارکیټ د پرانیستې مراسمو کې لغمان والي محمد اصف ننګ، مهترلام ښاروال انجینر نظیف الله الکوزي او مهترلام ښاریانو برخه لرله.
د مهترلام ښاروال په وینا په دغه عصري او معیاري مارکیټ مهترلام ښاروالۍ څه باندې شل میلیونه افغانۍ لګښت کړی او د یوه کال په موده کې یې د ابادې چارې ترسره شوې.
مهترلام ښاروال وویل چې دغه ودانۍ د مهترلام ښار په لومړۍ ناحیه سلطان غازي بابا مسجد ته څېرمه په ۱۲ بسوو ځمکه، په دوو پوړو کې رغول شوې، چې ۷۰ هټۍ، دوه سیټه تشنابونه، درې د داخلیدو دروازې او په منځ کې پراخ د موټرو تم ځای لري.
د یادونې وړ دی چې دغه ځمکه له ډېرې اوږدې مودې راهیسې غصب شوې وه،چې د مهترلام ښاروال په زیار او هڅو له غصبه را خلاصه او دغه ښکلی سوداګریز مارکیټ یې پکې ورغاوه.
نوټ: د دې ودانۍ یوه اړخ ته پخوانې زړې هټۍ دي چې هټیوالو ته یې مهترلام ښاروالۍ په داخل د مارکیټ کې هټۍ ورکوي او زړې هټۍ لمنځه وړي او د مارکیټ عمومي دروازه د ښاریانو پر مخ خلاصوي.
پته: مهترلام ښار د سلطان غازی بابا زیارت ته څیرمه لومړی ناحیه
