د مهترلام ښار په پینځمه ناحیه کی د سلام ځای تفریحې پارک د رغنیزو چارو له بهیره لیدنه ترسره شوه
نن دوشنبه د قوس میاشتې لسمه نیټه د مهترلام ښاروالۍ د لومړي ناحیی مدیر انجینر ذبیح الله حمیدي په مشرې د یاد پارک رغنیزی چاری له نژدی بررسې شوې
د سلام ځای تفریحې پارک چی په (۳۰۰) دری سوه جریبه ځمکه کی د مهترلام ښاروالۍ له لوري جوړیږې کارونه یی په چټکې سره پر مخ روان دي یاد پارک د مهترلام ښار په څنډه کې د مهترلام بابا زیارت سره نږدی قرار لری چی په جوړیدو سره به یی د مهترلام ښار ښکلا څو برابره شې او د هیواد په کچه به د تفریح لپاره یوبی ساری محل وې
څرنګه چی تیره شپه د ځینو مغرضو او وطن دښمنو افرادو له لورې یې د کارونو پر وړاندې خنډ رامنځ ته شو او ځینې برخې ورته تخریب کړې چې ساحه له نژدی څخه ولیدل شوه او اړوند قراردادی شرکت ته د مهترلام ښاروالۍ له لورې ډاډ ورکړل شو تر څو خپل کارونه په اطیمنان سره تر سره کړې او یادې کړې نشی کولای زموږ د ملی ارادې چی د هیواد ابادي او ښیرازي دی مخنیوی وکړې
همدارنګه د قراردادي شرکت مسوولینو اطمینان ورکړ چی د دوی چاري په چټکۍ سره پر مخ ځي او سپارل شوې کارونه به پخپل وخت سره پاې ته ورسوي
د یادونې وړ دې چی د سلام ځای پارک د جوړیدو په برخه کې د لغمان ولایت مختلف اقشار او ولایتې اداره د مهترلام ښاروالۍ له کړنو حمایت کوې او هر ډول همکارۍ ته چمتو دي
مهترلام ښاروالۍ دا ژمنه لرې تر څو پخپله برخه کې هیوادوالو او په خاصه توګه د مهترلام ښار اوسیدونکو ته لازم او ضرورې خدمات وړاندی کړې او د ښاریانو همکاري په دی برخه کی ډیره اړینه ده
په درنښت
#مهترلام_ښاروالۍ_مطبوعاتي_څانګه
