د مهترلام ښاروالۍ له لوري د موسمي ګلانو د کرلو لړۍ پیل شوه

د مهترلام ښاروالۍ د تخنیکي او مسلکي امریت تر چتر لاندې د تنظیف او سرسبزۍ مدیریت له لوري د ښار د ښکلا او سرسبزه ساتلو په موخه د موسمي ګلانو کرلو لړۍ پیل شوه

د تنظیف او سرسبزۍ مامور ریحان الله اریان وویل، چې نن یې د مهترلام ښاروال الحاج مولوي رحمت الله شهامت په ځانګړې لارښونه د دویمې ناحيي اړوند د لغمان امنیه قوماندانۍ مخې ګلدان کې د ښکلا په موخه موسمي ګلان وکرل

هغه وویل، چې یاده چاره نن پیل شوه چې د ښار په ټولو ګلدانونو کې به په منظم شکل د پلان له مخې موسمي ګلان وکرل شي

همداراز نوموړي زیاته کړه، چې په پارکونو کې یې د نیالګیو د سرسبزه ساتلو په موخه حیواني سره اچول هم پیل کړې چې ټول پارکونو نیالګیو او بوټو ته به حیواني سره ورکړل شي

د یادونې وړ ده، چې د مهترلام ښاروالۍ د سرسبزۍ او ښاري ښکلا د دوام لپاره هرکال د موسم له بدلېدو سره سم د ګلانو، نیالګیو او بوټو د کرلو ځانګړی پلان پلي کوي، څو ښار همېشه پاک، زرغون او ښکلی پاتې شي