د مهترلام ښاروال په ځانګړې لارښوونه، د مهترلام ښاروالۍ د مالي او اداري امر په مشرۍ د نرخونو د کنټرول کمېټې ناسته وکړه
په دې ناسته کې د ښاروالۍ مالي او اداري امر مطیع الله عظيمي د ګډې کمېټې استازو ته لارښوونه وکړه، ترڅو په ګډه په مهترلام ښار کې نرخونه کنټرول کړي او ښاريانو ته پوره سهولتونه برابر کړي.
په دې ناسته کې د کمېټې د استازو او د اصنافو د اتحاديې د يو شمېر صنفونو د مشرانو په حضور کې بعضې برخو ته نرخونه وټاکل شول، چې ژر به د نرخونو د کنټرول کمېټې په ملتیا د ځانګړي کمېسيون پر مټ پر هټيوالو تطبيق شي.
له دې پريکړې څخه د سرغړونې په صورت کې به هټيوال نغدي جريمه شي او ددې برخې د اصلاح لپاره به د ښاروالۍ متداومه څارنه جريان ولري.
ياده دې وي، چې په دې ناسته کې د مهترلام ښاروالۍ د ښاري حکومتولۍ د آمر سربېره، د لومړۍ ناحيې مدير، د ولايت مقام، ملي امنيت، مستوفيت او د اصنافو اتحاديې استازو ګډون درلود.
