د دویمې ناحيي اړوند د اطفائي قومي مشرانو له مهترلام ښاروال سره خپلې ستونزې شریکې کړې
د مهترلام ښار دویمې ناحيي اړوند د اطفائي یو شمیر قومي مشرانو، سپین ږیرو او ځوانانو د امر بالمعروف د رئیس مولوي پاچاه ګل په مشرۍ له ښاروال الحاج مولوي رحمت الله شهامت سره د نوموړي په کاري دفتر کې وکتل او خپلې ستونزې یې ورسره شریکې کړې.
دوی په لومړیو کې د ښاروالۍ فعالیتونه وستایل او له ښاروال ښاغلي شهامت څخه یې مننه وکړه چې د مهترلام د اوسیدونکو ستونزې د حل په موخه مخامخ اوري.
قومي مشرانو غوښتنه وکړه چې د دوی په ساحه کې د اطفائي امریت ترڅنګ د ښاروالۍ کوم پارک چې شتون لري باید احاطه یې وشي ترڅو د یادې ساحې ښکلا ورسره زیاته شي.
ښاروال ټولو راغلو قومي مشرانو ته د ښه راغلاست تر څنګ ښاروالۍ د ټولو ګډ کور یاد کړ او وې ویل چې د ښاروالۍ د مقام دروازه د مهترلام د ټولو اوسیدونکو پر مخ خلاصه ده، ټول ولسونه کولای شي چې راشي او خپلې ستونزې ورسره شریکې کړي.
په پای کې ښاروال ټولو راغلو قومي مشرانو ته ډاډ ورکړ چې ستونزو ته به یې په وخت رسیده ګي کوي.
