د مهترلام ښار د پارکونو او ګلدانونو د ګلانو قینچي کاري روانه ده
د مهترلام ښاروالۍ د تنظیف او سرسبزۍ مدیریت له لوري د مهترلام ښار د پارکونو او ګلدانونو د ګلانو د منظم کولو په موخه قینچي کاري پیل شوې
د مهترلام ښاروالۍ د تنظیف او سرسبزۍ مامور انجنیر ریحان الله آریان وايي"چې دوی د ګلانو د اصلاح، منظم کولو او د ښار د ښکلا په موخه یاده قینچي کاري پیل کړې، چې د مهترلام ښار پنځه واړه پارکونو تر څنګ به د ښار د ټولو ګلدانونو ګلان او زینتي بوټي به په منظم شکل قینچي کاري شي
نوموړي زیاته کړه چې له یادې قینچي کارۍ سره ګلان او زینتي بوټي ښایسته کیږي چې د مهترلام ښار ښکلا به ورسره زیاته شي
د یادونې وړ ده چې د یاد مدیریت له لوري په منظم شکل د پلان له مخې ټول ګلدانونه او پارکونه هم خړوبېږی
