د مهترلام ښاروالۍ له لوري د دویمې ناحیې په ګلدانونو کې د خرما نیالګي کېنول شول
د مهترلام ښاروالۍ د تنظیف او سرسبزۍ مدیریت له لوري د ښار د دویمې ناحیې اړوند د سرک په ګلدانونو کې د خرما نیالګي کېنول شول
یاد نیالګي نن د تنظیف او سرسبزۍ مامور ریحانالله آریان په مشرۍ د دویمې ناحیې د سرک په ګلدانونو کې نهال شول، چې موخه یې د ښار سرسبزي، ښکلا او سالم چاپېریال رامنځته کول دي
ریحانالله آریان وویل، چې دغه چاره د مهترلام ښاروال الحاج مولوي رحمتالله شهامت د ځانګړي هدایت پر بنسټ پیل شوې او د همدې پلان له مخې به د ښار په ټولو ګلدانونو کې میوه لرونکي او زینتي نیالګي او ګلان کېنول شي
د یادونې وړ ده، چې مهترلام ښاروالۍ سږکال په خپل پلان کې لري، د ښار د سرسبزۍ په موخه شاوخوا ۷ زره میوه لرونکي او غیر میوه لرونکي نیالګي نهال کړي
