د مهترلام ښار ټول ګذرونه به په اساسي او معیاري شکل جوړ شي
د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په ناسته کې د امرینو او مدیرانو له لوري د تېر اداري مجلس ګرازش وړاندې شو او همدارنګه یو شمېر مهم موضوعات هم د بحث او کتنې لاندې ونیول شول
ناسته کې ښاروال له ټولو امرینو او مدیرانو مننه وکړه چې ورسپارل شوي کارونه یې په ښه شکل ترسره کړې دي
همداراز نوموړي وویل، چې ۱۴۰۵ کال کې به د مهترلام ښار ټول ګذرونه په اساسي او معیاري شکل جوړ کړل شي او هر ګذر کې به د سرکونو هموارکاري او د ویالو د جوړولو چارې ترسره شي
په پای کې ښاروال یو شمېر مشخصې دندې اړوندو امرینو او مدیرانو ته وسپارلې او سپارښتنه یې وکړه چې تر راتلونکې ناستې پورې د هغو د ترسره کولو راپور ورسره شریک کړي
