د مهترلام ښاروالۍ له لوري د ۶۰ میلیونه افغانیو په ارزښت د ۱۴ انکشافي پروژو چارې روانې دي
د مهترلام ښاروالۍ له داخلي بودجې د ۶۰ میلیونه افغانیو په ارزښت د مهترلام ښار په بېلابیلو ساحو کې د بیارغونې کارونه روانې دي چې ډیری خلکو ته پکې د کار کولو زمینه هم برابره شوې ده
مهترلام ښاروالۍ په پام کې لري چې سږکال د سل میلیونه افغانیو په لګښت په مهترلام ښار کې د بیارغونې کارونه ترسره کړې، چې تر دې دمه یې په درېیو ربعو کې د څه باندې ۶۰ میلیونه افغانیو په مقابل کې ۱۴ د بیارغونې پروژې پلې کړې دي
په یادو پروژو کې سرکونه، پلچکونه، استنادي دیوالونه، د اوبو ژورې څاه ګانې، فلزي کثافت دانۍ، ګلانو او بوټو د ښې ساتنې لپاره کټارې او برېښنايي تنویري پايي جوړول شامل دي
د یادونې وړ ده چې تر دې دمه د ۷ پروژو چارې بشپړې شوي، ۷ تر کار لاندې دي او پاتې نورې پروژې به هم ډیر ژر پیل شي
