د مهترلام ښاروالۍ دیوالونو د ترمیم او رنګ کولو چارې جریان لري
د مهترلام ښاروالۍ له داخلي بودیجې څخه د یادې ادارې د ودانۍ دیوالونو د ترمیم، پلستر او رنګمالۍ چارې روانې دي
په همدې موخه، مهترلام ښاروال الحاج مولوي رحمتالله شهامت د کارونو د کیفیت ارزونې لپاره له پروژې څخه لیدنه وکړه او د چارو د لا ښه تطبیق سپارښتنه یې وکړه
ښاروال وویل، چې د ښاروالۍ ودانۍ ځینې برخې د وخت په تېرېدو لږ څه تخریب شوې وې، چې له همدې امله د ترمیم او رنګمالۍ کارونه پیل شوي دي
نوموړي زیاته کړه، چې ښاروالۍ وخت پر وخت د خپلو ملکیتونو څارنه کوي او د هر ډول زیان په صورت کې یې ژر تر ژره د ترمیم اقدامات ترسره کوي
د یادونې وړ ده، چې د دغو چارو تر څنګ به د مهترلام ښاروالۍ له لوري په روان کال کې ۱۱ د بیارغونې پروژې هم پلي شي، چې له امله به یې د ښار د ښکلا ترڅنګ ګڼو خلکو ته د کار کولو زمینه هم برابره شي
