په دویمه ناحیه کې د حاجیانو د سرک د جوړیدو قرارداد لاسلیک شو
د مهترلام ښاروالۍ له داخلي بودجې د سږکال پروژو په دوام د دویمې ناحيي اړوند د حاجیانو سرک جوړیدل دي چې نن یې د مهترلام ښاروال الحاج مولوي رحمت الله شهامت او په داوطلبي کې ګټونکي شرکت له مسؤل سره قرارداد لاسلیک شو، چې ډیر ژر به یې چارې پیل شي
ښاروال د قرارداد پر مهال د شرکت مسؤل ته سپارښتنه وکړه ترڅو خپل کارونه د مسلکي انجینرانو په شتون کې په اساسي او معیاري شکل ترسره کړي
همداراز ښاروال زیاته کړه، مهترلام ښار زموږ د ټولو ګډ کور دی باید ټول ورته په صداقت او ایماندارۍ سره کار وکړو
