په پنځمه ناحیه کې د ښاري خدمتونو د ښهوالي په موخه د کورونو ثبت سروې جریان لري
د مهترلام ښاروالۍ د ښاري خدمتونو د لا ښه والي او د صفایي محصول د دقیق ثبت په موخه، د پنځمې ناحیې مدیریت د استوګنیزو کورونو د ثبت سروې پیل کړې ده
د پنځمې ناحیې مدیر، محمد منیر فاروق، چې خپله د یو ګډ تخنیکي ټیم په ملتیا دغه سروې پرمخ وړي، وایي: "یاده سروې د ښاروالۍ د انکشافي پلانونو په رڼا کې ترسره کېږي، څو د صفایي محصول ټولول په شفاف، منظم او اغېزمن ډول ترسره شي."
هغه زیاته کړه چې تر دې دمه د پنځمې ناحیې ۳۰۵ کورونه سروې او ثبت شوي او دا لړۍ لا هم روانه ده. د ده په وینا، د یادې ناحیې ټول کورونه به په ترتیب سره سروې او ثبت شي
د دې سروې په بشپړېدو سره به د صفایي محصول ټولې چارې معیاري شي او د ښاریانو د ښاري خدمتونو په وړاندې کولو کې به د لا زیات شفافیت او اسانتیا سبب وګرځي
