مهترلام ښاروال انجنیر نظیف الله الکوزی د ښاروالۍ د پنځه ګونو نواحیو له مدیرانو سره ځانګړې ناسته وکړه

Anonymous (not verified)
Mon, Dec 28 2020 7:40 AM
شاروال مهترلام

نن دوشنبه د جدي پر اتمه نیټه مهترلام ښاروال د نواحیو له مدیرانو سره د چارو د سمون په موخه کاري ناسته وکړه او د له هغوۍ غوښتنه وکړه چې په راتلوونکي مالي کال کې هره ناحیه په خپله کاري ساحه کې اصلاحي او پراختیایي کارونو ته چټکتیا ورکړي.

مهترلام ښاروال د خپلو خبرو پر مهال وویل: د ښاري نظم د طرحې په برخه کې باید ګړندي ګامونه واخستل شي، په ښار کې د غیر منظمو لوحو، بیلبوردونو او غیر قانوني خبرتیاو مخنیوی وشي، د نواحیو مدیران اړ دي چې په خپلو نواحیو او کاري ساحاتو کې ښاري نظم، ښاري فرهنګ او سیمه ایزودودنو ته خاصه توجه وکړي، ښار باید د ښار شکل ولري، نظم او دسپلین په یو ښار کې اساسي عنصر ده او هغه ساحې چې پلې لارې یې د پراختیایې کارونو پر مهال زیانمن/ ړنګ شوي وي، د بیا ځل د رغونې کارونه یې ژر پیل شي، ترڅو ښاریان له ستونزو سره مخ نشي او پلې لارې او سرکونه باید د ښاریانو پر مخ تل خلاص وي.

مهترلام ښاروال زیاتوي: ((هره ناحیه باید خپل کلنی کاري پلان له ځانه سره ولري او د هغه په عملي کولو کې لاس په کار شي، د غصب پر وړاندې د مبارزې په برخه کې د کلک هوډ ولري او د هغو غاصیبینو لیستونه چمتو کړي چې په نواحیو کې یې په غصب لاس پورې کړی ده، امنیتي ارګانونو سره شریک کړل شي او له غصب څخه په کلکه مخنیوی وشي)).

وروسته د نواحیو مدیرانو د کړو اجرااتو او هم راتلوونکي پلانونو په تړاو مهترلام ښاروال سره اوږدې خبرې وکړې او ډاډ یې ورکړ چې د سږ کال پر پرتلینه به راتلوونکي کال کې ښې لاسته راوړنې ولري او په ښاري سیمه کې به د ښاري نطم په پار له اصنافو سره ګډ‌ کار وکړو.

مجلس اداری شاروالی مهترلام

د ناستې په پای کې مهترلام ښاروال د نواحیو مدیرانو او د مهترلام ښاریانو باندې غږ وکړ چې د غصب پر وړاندې مبارزه د هر فرد ملي وجیبه ده، ترڅو عامه ملکیت د شخصي ګټو قرباني نه شي.

په درنښت

۸/۱۰/۱۳۹۹

#مهترلام_ښاروالۍ_مطبوعاتي_څانګه

www.mehterlam.gov.af

 

Latest news

Tue, Aug 26 2025 10:31 AM
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

Tue, Aug 26 2025 9:29 AM
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

Mon, Aug 25 2025 9:41 AM
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS