د ګډی کمیټی په شتون کی د اصنافو له مختلفو ټولګیو سره په ګډه او مشوری د (۱۴۰۰) مالی کال د لومړي ربع لپاره د مهترلام ښاروالۍ له لوری نرخ نامی ترتیب او وټاکل شوي

Anonymous (not verified)
Mon, Jan 04 2021 8:30 AM
مجلس

یکشنبه د جدی پر څوارلسمه نیټه د لومړی ناحی مدیر انجینر ذبیح الله حمیدي په کاری دفتر کی د مختلفو ملکی اداراتو استازی چی د جوړی شوی کمټی غړی دی چی د ولایت مقام ،د څارونوالی ریاست، مستوفیت ریاست،د سوداګری او صنایعو خونی،اصنافو استازی اومهترلام ښاروالۍ له استازو جوړه ده او همدارنګه د مهترلام ښار د اصنافو د بیلابیلو ټولګیو استازی رابلل شوې وه تر څو په ښار کی د توکو د خرڅلاو لپاره مناسبی او د بازار د تقاضا مطابق نرخ نامی ترتیب شی

د لومړی ناحی مدیر ښاغلی حمیدی وویل : دا چی د مهترلام ښاراوسیدونکی له مالی او اقتصادی پلوه ډیر پر ځان بسیا نه دی دا د ټولو دنده ده ترڅو د توکو په خرڅلاو کی له انصاف څخه کار واخیستل شی او بل مسلمان ته ضرر ونه رسیږی

ښاغلی حمیدی همدارنګه زیاته کړه دا د مهترلام ښاروالی مسوولیت دی تر څو په ښار کی د نرخونو له کنترول څخه پر وخت نظارت وکړی او هغه اشخاص چی د نرخ نامی پر خلاف پیر او پلور وکړی قانونی چلند ورسره کیږی

همدارنګه د اصنافو په استازوالی عبدالولی قدوسی د مهترلام ښاروالۍ دغه اقدام چی غواړی په ښارکی د توکو پر پلور نظارت ولری ډیر مناسب او پر ځای وباله او بله داچی د اصنافو سره په مشوری دغه نرخنامی ټاکل کیږی تر څو نه ښاریان او نه هټیوال متضرر شی او له راتلونکو ستونزو مخنیوی شوی وی

ورپسی د اصنافو د مختلفو ټولګیو د استازو په نوبت سره خبری وکړی خپلی ستونزی یی د مهترلام ښاروالۍ له رهبری سره شریکی کړي چی د رسیدنی په موخه ورته ډاډ ورکړل شو

وروسته د هر صنف لپاره د شته ضرورتونو او امکاناتو پر بنسټ نرخنامی ترتیب شوی او د ټاکل شوی کميټی له لوری له کتنی وروسته په ښار کی د ویش په موخه د مارکیټونو د تنظیم ماموریت ته وسپارل شوی او هر هټیوال مکلف دی تر څو هغه د خپل دکان مخی ته په ښکاره ډول وځړوی ترڅو ښاریان یی وګوری .

په درنښت

۱۳۹۹/۱۰/۱۵

#مهترلام_ښاروالۍ_مطبوعاتي_څانګه

 

Latest news

Tue, Aug 26 2025 10:31 AM
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

Tue, Aug 26 2025 9:29 AM
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

Mon, Aug 25 2025 9:41 AM
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS