د مهترلام ښاروال په مشرۍ د ښاروالۍ نوبتي اداري ناسته ترسره شوه
د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په ناسته کې د اجرایه ماموریت له لوري د تېر اداري مجلس ګرازش وړاندې شو او همدارنګه آمرینو او مدیرانو د ښاري نظم ترڅنګ په یو شمېر مهمو موضوعاتو هم بحث او خبرې وکړې
ښاروال ښاغلي شهامت آمرین او مدیران خپلو دندو ته متوجه کړل او له ټولو یې غوښتنه وکړه چې د مراجعینو ستونزو ته په وخت رسیدنه وکړي
په پای کې ښاروال یو شمېر مشخصې دندې اړوندو امرینو او مدیرانو ته وسپارلې او سپارښتنه یې وکړه چې تر راتلونکې ناستې پورې د هغو د ترسره کولو راپور ورسره شریک کړي
