دښاري فرهنګ دپياوړتيا لپاره لمړي بايد په ښارونوکي فقر او غربت له منځه لاړشي.

ناپیژنده (not verified)
چهارشنبه ۱۳۹۹/۸/۲۸ - ۷:۲۶
کنفرانس فرهنګ شهر نشینی

دغه وينا مهترلام ښاروال انجينر نظيف الله (الکوزي) په هغه کنفرانس کې وکړه چې د سیمه ییزو ارګانونو ادارې له خوا په جلال اباد کې د ښاري فرهنګ د پياوړتیا په موخه په لاره کړل شوی وه.

په دغه کنفرانس کې د سیمه ییزو ارګانونو ادارې د ښاري حکومتولۍ رئیس محمد نصیر حمیدي ، مهترلام ښاروال انجينرنظيف الله (الکوزي) او د پینځو د ښاروالیو جلال اباد، اسداباد، پل علم او میدانښار ښاروالانو سربېره د بېلابېلو دولتي ادارو استازو ګډون درلود.

د کنفرانس په پیل کې د جلال اباد ښاروالۍ په استازیتوب د مالي او اداري چارو رئیس پروېز علي مېلمنو ته ښه راغلاست ووایه او د ښاري فرهنګ د پیاوړتیا او د پوهنتونونو له خوا په اړونده موضوع د طرحو لیکل او وړاندې کول یې د ټولو ښارونو لپاره یو ښه او مثبت ګام یاد کړ.

د سیمه ییزو ارګانونو ادارې د ښاري حکومتولۍ عمومي رئیس محمد نصیر حمیدي ددې کنفرانس موخې بیان کړې او ویې ویل: ((اوسمهال موږ په شهر کې نه، بلکې په شر کې ژوند کوو، غواړو چې له شر نه راووځو او په ښه شهر کې چې ټولې اسانتیاوې پکې موجودې وي ژوند وکړو.))

د ننګرهار مرستیال والي پوهنوال ببرک میاخېل د کنفرانس برخه والو ته د خپلې وینا پر وخت وویل چې دغه ډول ناستې باید یوازې ناستې پاتې نه شي او اړینه ده چې د تطبیق لپاره یې کوټلي ګامونه واخیستل شي. ښاغلي میاخېل وویل چې د ښاري فرهنګ دودونې او پیاوړتیا لپاره دې ملا امامان، رسنۍ، مدني ټولنې او اطلاعاتو او فرهنګ رياست خلکو ته د ښاري فرهنګ ارزښتونه بیان کړي.

وروسته د مهترلام ښاروال انجينر نظيف الله (الکوزي) له اجنډا سره سم دخبرو اترو برنامه کې وينا وکړه او زياته کړه چې دښاري فرهنګ د پياوړتيا په برخه کې اړينه ده چې لمړی په ښارونو کې فقر او غربت له منځه لاړ شي اوپه فکرونو کار وشي.

د کنفرانس د لومړۍ ورځې په پای کې د لغمان په استازولۍ دروښان پوهنتون محصل رحمت الله(ريحان) له خوا د ښاري فرهنګ پیاوړتیا په برخه کې لیکل شوې طرحه وړاندې شوه ،چې په عملي کولو سره به یې په ښارونو کې ښکاره بدلون رامنځته شي.

#مهترلام_ښاروالۍ_مطبوعاتي_څانګه

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS