د سيمه ييزو ارګانونو خپلواکې ادارې د ښاري حکومتولۍ لوی رياست په لارښوونه د اقتصادي فرصتونو پېژندنې تر عنوان لاندې د لغمان او نیمروز ولايتونو ترمنځ د ښاري خویندتوب (خواهر شهری) تړون د برنامې له مخې پر ليکه ناسته ترسره شوه
په سر کې د مهترلام ښاروالۍ د ښاري حکومتولۍ آمر بختيار حسين خېل د ناستې اجنډا د ناستې ګډونوالو ته تشريح کړه؛ هغوي ته يې هرکلی ووایه او د نوموړې ناستې پر اهميت يې خبرې وکړې.
بيا په وار سره د ناستې يو شمېر ګډونوالو د دواړو ولايتونو په اقتصادي او سوداګريزو فرصتونو خبرې وکړې او د دواړو ولايتونو فرصتونه يې تر بحث لاندې ونيول.
ويناوالو پر چابهار بندر او د لغمان ولايت پر اقتصادي، سوداګريز او ټولنيز بهير خپل نظريات څرګند کړل او د ولايتونو له شته فرصتونو څخه يې د اعظمي ګټې اخيستنې ميکانيزم په اړه په ناسته کې په هر اړخيز ډول وڅېړه.
داسې ناستې د مهترلام او زرنج ښاروالیو ترمنځ د ښې همغږۍ او د ولايتونو ترمنځ د تجربو او معلوماتو شريکولو غوره فرصت رامنځته کولی شي
