د سیمه اییزو ارګانونو د خپلواکې ادارې عمومي مشر له مهترلام ښاروال سره ژمنه ورکړه چې د مهترلام ښاروالۍ تشویقي بودیجه به درې برابره کړي.

ناپیژنده (not verified)
شنبه ۱۳۹۹/۱۲/۲ - ۵:۲۷
شاروال مهترلام

مهترلام ښاروال مجاهد رحمتزي د سیمه ایزو ارګانونو د خپلواکې ادارې له لوۍ رئیس شمیم خان کټوازي سره لیدنه وکړه او د لیدنې پر مهال یې د مهترلام ښار د ولسونو ستونزې، وړاندیزونه او د مهترلام ښار ټول جغرافیايي معلومات یې ورسره شریک کړه.

مهترلام ښاروال د سیمه ایزو ارګانونو د خپلواکې ادارې له عمومي مشر څخه غوښتنه وکړه ترڅو مهترلام ښار ته خاصه توجه وکړي، د مهترلام ښار ولسونو ته کاري فرصتونه برابر کړي، د مهترلام ښاروالۍ سره د تشویقي بودیجې په برخه کې زیاتوالی راولي او ترڅنګ یې د کارموندنې د برنامي کاري ساحه پراخه کړي.

د سیمه اېیزو ارګانونو د خپلواکې ادارې عمومي رئیس شمیم خان کټوازي د مهترلام ښاروال د غوښتنو او وړاندیزونو سره سم وویل: ((د مهترلام ښاریانو ته به په مختلفو برخو کې کاري فرصتونه برابر کړم، د مهترلام ښاروالۍ تشویقي بودیجه به له دې وروسته درې برابره شي، د ښاري پراختیا ترڅنګ به د کارموندنې د برنامي بودیجه هم درې برابره کړم)).

ښاغلي کټوازي په خپلو خبرو کې زیاته کړه: مهترلام ښار د افغانستان په سطحه یو له هغو ښارونو څخه ده چې منظم ماسټر پلان لري، ځانګړی اداري کمپلیکس لري او په معیاري ډول ورته خدمات ترسره شوي دي.

په ورته مهال مهترلام ښاروال مجاهد رحمتزي د سیمه ایزو ارګانونو د ادارې له عمومي مشر څخه مننه وکړه چې شویو وړاندیزونو ته یې لبیک وویلې او د مهترلام ښار د ولسونو غوښتنې یې په ورین تندي ومنلې او د کاري فرصتونو د برابرولو ژمنه یې وکړه.

په درنښت

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS