د مهترلام ښاروالۍ له لوري د ښاري زرغونتیا او ښکلا چارې هره ورځ د پلان مطابق په منظم شکل ترسره کېږي
د مهترلام ښاروالۍ د تنظیف او سرسبزۍ مدیریت زیارکښ کارکوونکي هره ورځ د سهار له ۷ بجو څخه تر مازیګر ناوخته پورې د ښاري زرغونتیا او ښکلا په موخه نه ستړي کېدونکې هڅې کوي
د دې مدیریت زیارکښ کارکوونکي په منظم ډول د ښار د نیالګیو، زینتي بوټو او ګلدانونو د خړوبولو چارې پر مخ وړي، تر څو ښاري فضا تل تازه، زرغونه او زړهراښکونکې پاتې شي
د مهترلام ښاروالۍ رهبري له ټولو ښاریانو غوښتنه کوي چې د ښار د سرسبزۍ او پاکوالي په برخه کې د تنظیف او سرسبزۍ مدیریت له هڅو ملاتړ وکړي، د نیالګیو ساتنه وکړي او له بې ځایه کثافاتو اچولو ډډه وکړي، تر څو یو پاک، زرغون او ښایسته ښار ولرو
