مهترلام ښاروالۍ فوټسال لوبډلې د ختیځ زون اتلولي خپله کړه

web_admin
شنبه ۱۴۰۴/۲/۲۷ - ۱۰:۳۲
لومړی مقام

د ننګرهار په کوربتوب د ځوانانو راډیو فوټسال جام سیالۍ چې د ختیځ زون کنړ، ننګرهار، نورستان او مهترلام ښاروالۍ  لوبډلو ترمنځ ترسره شوې، مهترلام ښاروالۍ فوټسال لوبډلې په پایلوبه کې ننګرهار ته څلور د درې په مقابل کې ماتې ورکړه او د یادو سیالیو اتلولي وګټله
د پایلوبې د لیدلو او د لوبغاړو د تشویق په موخه د مهترلام ښاروالۍ د ښاري حکومتولۍ امر الحاج عباس عمري ترڅنګ، د لغمان د فوټبال فدراسیون رئیس جمشید رحيمي، د ننګرهار د شپږمې حوزې امر، د یاد ولایت د فوټبال فدراسیون رئیس، د فوټبال لوبې لوبغاړو او ګڼو مینوالو ګډون کړی وو
الحاج عباس عمري د یادې بریا مبارکي ورکړه او دا یې د مهترلام ښاروالۍ او ټول لغمان لپاره یوه ستره لاسته راوړنه وبلله، نوموړي زیاته کړه: "زموږ لوبډله ثابته کړې چې د هر ډول شرایطو سره سره، کولای شي بریاوې ترلاسه کړي
د لغمان د فوټبال فدراسیون رئیس جمشید رحیمي د مهترلام ښاروالۍ لوبډله یوه پیاوړې او بااستعداده لوبډله وبلله او څرګنده یې کړه چې دا لوبډله به د زون په کچه د لغمان نمایندګي وکړي
د ښاروالۍ د فوټبال لوبډلې کپتان وحید الله له مهترلام ښاروال الحاج مولوي رحمت الله شهامت او د ښاروالۍ د ښاري حکومتولۍ له امر څخه مننه وکړه چې د دوی لپاره یې د لوبو امکانات او اسانتیاوې برابرې کړې دي
د یادونې وړ ده چې مهترلام ښاروالۍ فوټسال لوبډله له دې وړاندې هم په یو شمیر سترو سیالیو کې د بریا ښه ریکارډونه لري

تازه خبرونه

سه‌شنبه ۱۴۰۴/۶/۴ - ۱۰:۳۱
Background image

په مهترلام ښار کې د ډاکټر محمد ظاهر پارک د خړوبولو لپاره د ویالې جوړولو چارې پیل شوې

د مهترلام ښاروال، الحاج مولوي رحمت الله شهامت، په ځانګړې لارښونه د ښاروالۍ د تنظیف او سرسبزۍ مدیریت له لوري د ډاکټر محمد ظاهر پارک د نیالګیو او شنو ساحو د خړوبولو لپاره د یوې ویالې د. . .

سه‌شنبه ۱۴۰۴/۶/۴ - ۹:۲۹
Background image

په دویمه ناحیه کې د سرک د کانکریټ اچونې چارې پیل شوې

د مهترلام ښاروالۍ له داخلي بودیجې څخه د ۱۰ میلیونه افغانیو په لګښت د دویمې ناحیې اړوند د حاجیانو کلي د سرک د کانکریټ اچونې چارې په منظم شکل جریان لري

د مهترلام ښاروالۍ مطبوعاتي مسؤل. . .

دوشنبه ۱۴۰۴/۶/۳ - ۹:۴۱
Background image

د مهترلام ښاروال په مشرۍ د ښاروالۍ نوبتي ناسته ترسره شوه

نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د. . .

BACK TO NEWS