مهترلام ښاروال مجاهد رحمت زی
د مهترلام ښار ښکلا لپاره، د ډاکټر عبدالله لغماني منار څخه، د محمد رحيم رحيم څلور لارې پورې د بوټو او ګلدان خونديتوب لپاره کټاره جوړوو!
زموږ کاري ټيم په ښار کې لومړنۍ سروې وکړه، موږ د ګلدان او بوټو خونديتوب لپاره کټاره جوړوو، ددې ترڅنګ د اوسپنيزو کپو په مخکې د ويالې سر په اساسي بڼه هم رغووو.
د ښار د سړکونو د داغ نيونې پروژه هم تکمیل ده، د کټارو او ویالو جوړولو سره جوخت به ددې پروژې چارې هم پيل کړو.
درنو ښاریانو!
د ښاري نظم موضوع هم زموږ لپاره لومړيتوب لري، د اوسپنيزو کپو ايښودلو برنامه هم په چټکۍ سره روانه ده؛ ژر به د مهترلام ښار ښکلا کې يو مثبت بدلون محسوس شي او تاسو به يې هم شاهدان يئ.
درنو ښاريانو!
د ښار په تنظيم، تنظيف، ښکلا، پرمختګ او رغاوي کې ستاسو مرسته او رول مهم دی، موږ يوازې مه پرېږدئ او په دې برخه کې راسره همکار اوسئ
