مهترلام ښار د اسد ۲۴مې ملي ورځې په ویاړ په بېرغونو وپوښل شو
د اسد د ۲۴مې ملي ورځې د نمانځنې په ویاړ، د مهترلام ښاروالۍ د ښاري حکومتولۍ امریت په ابتکار د ښار په بېلابېلو برخو کې سپین بیرغونه ولګول شول. دا ورځ چې د هېواد د ازادۍ، د مجاهدینو د بریا او د امریکایي اشغالګرو د ماتې په نوم یادیږي، هر کال د ویاړ او ملي غرور په فضا کې نمانځل کېږي
مهترلام ښاروال الحاج مولوي رحمت الله شهامت وویل چې د یادې ورځې په مناسبت د ښار ټولو چوکونه، درې لارې او پارکونه په سپین بیرغ وپوښل شو، هغه زیاته کړه چې د ښاروالۍ ټیم به د ملي ورځې د شاندارو مراسمو د ترسره کولو ترڅنګ، نړیوالو ته دا پیغام ورسوي چې افغانان د خپلې خاورې او ناموس دفاع د سر په بیه کوي
ښاروال همداراز ټولو اصنافو او دوکاندارانو ته لارښوونه کړې وه چې د خپلو دوکانونو مخې ته بیرغونه ولګوي، چې دغه غوښتنه د ښار د سوداګرو له خوا په بشپړ ډول عملي شوې
باید وویل شي چې د مهترلام ښاروالۍ له لوري د ښار د ښکلا لپاره د تنظیفي برنامو چارې هم روانې دي، څو د اسد د ۲۴مه ملي ورځ په منظم او شاندارو مراسمو ونماځل شي
