مهترلام ښار کې د ۱۲ میلیونه افغانیو په ارزښت د سرک جوړولو چارې دوام لري
د مهترلام ښاروالۍ له داخلي بودیجې د ۱۲ میلیونه افغانیو په ارزښت د لومړۍ ناحيي اړوند د دارالمعلمین په مسیر د سرک چړايي د جوړیدو چارې د پلان مطابق په منظم شکل جریان لري
په دغه پروژه کې په ورځني ډول ۲۵ کسانو ته د کار کولو زمینه هم برابره شوې ده
د دارالمعلمین سیمې اوسېدونکي، موټر چلوونکي او د عامه ترانسپورت کاروونکي له ښاروالۍ خوښ دي او وایي، دا سرک به نه یوازې د دوی د ورځني ژوند اسانتیا یقیني کړي، بلکې د ښار د ښکلا او نظم برخه کې به هم اغېزمن تمام شي
یاده دې وي چې له دې وړاندې د مهترلام ښاروالۍ له لوري د لس میلیونه افغانیو په لګښت د یاد سرک ترمیم چارې هم ترسره شوي چې اوس مهال خلک پرې په اسانۍ تګ راتګ کوي
