په ټولنیزو چارو کې د لغمان ولایت مرستیالې د مهترلام ښاروالۍ د بېلا بېلو برخو څخه لیدنه وکړه او د لیدنې پرمهال یې مهترلام ښاروالۍ رهبرۍ سره یو لړ سپارښتنې شریکې کړې
د پنجشنبې په ورځ د مرغومي په ۴ نېټه په ټولنیزو چارو کې د لغمان ولایت مرستیالې اغلې برېښناساپۍ داسې حال کې د مهترلام ښاروالۍ د بېلا بېلو برخو څخه لیدنه وکړه چې د ولایت مقام ددفتر رئیس محمد قسیم کوهستاني او مهترلام ښاروال انحنیر نظیف الله الکوزي یې هم ملتیا کوله.
په پیل کې د مهترلام ښاروال نظیف الله الکوزي د خپلو ترسره کړو چارو، لاس لاندې او راتلونکو پروګرامونو، فساد سره مبارزې، غصب مخنیوي، د برېښنایي حکومتوالۍ د فعالیدو، په وخت د مراجعینو د ستونزو حل، د ښار پاکوالي او پراخوالي او ګنو نورو برخو او شعباتو اړوند معلومات د ولایت له مرستیالې سره شریک کړل او د هغو ستونزو په اړه یې ورسره یادونه وکړه چې د مهترلام ښاریان ورسره مخ دي.
په ټولنیزو چارو کې د لغمان ولایت مرستیالې برېښنا ساپۍ د مهترلام ښاروالۍ له چارو څخه د ستاینې، مننې سربېره دوی ته په ګنو برخو کې لازمې سپارښتنې او لارښوونې وکړې او په اداري او ښاري برخه کې د ستونزو د حل ډاډ یې ورکړ.
نوموړې د مراجعینو د کارونو په وخت ترسره کول، د حاضرۍ پابندي، د ښارپاکوالي او خصوصاً د شهیدانو د وارثینو د کارونو په وخت ترسره کېدو باندې ټینګار وکړ.
اغلې ساپۍ دغه راز د اشتغال ځایي (EZ_KAR_Project) له مسوولینو سره هم ولیدل او د هغوی له فعالیتونو یې ځان خبر کړ.
اغلې ساپۍ ددغې برنامې له مسوولینو غوښتنه وکړه چې د موثر او صادقانه نظارت په برخه کې ځانګړې پاملرنه ولري.
د ياونې وړ ده، چې دلغمان ولایت رهبري وخت په وخت د بېلابېلو ادارو له کاروونو څخه ليدنه کوي، ترڅو يې مسوولين خپلې چارې پر وخت ترسره کړي او ولسونو ته لازم خدمات وړاندې کړي.
۱۳۹۹/۱۰/۴
