د مهترلام ښاروالۍ د عوایدو د برخې کارونه د پلان له مخې په منظم شکل روان دي
د مهترلام ښاروالۍ د عوایدو مدیر نکت الله عزیزي وايي، کارونه مو د پلان له مخې په منظم شکل په چټکۍ سره روان دي چې هره میاشت دوکانونو او مارکیټونو ته ۱۲ سوه پورې تعرفې ویشو، او همداراز په ورځني ډول د ښاري خدماتو د محصول په موخه تجارتي مارکیټونو او دوکانونو ته هم تعرفې ورکول کېږي او د عوایدو مدیریت پرسونل له لوري یې وخت په وخت څارنه ترسره کېږي
نوموړي وايي، سږکال مو تر دې دمه په درې ربعو کې په مهترلام ښار کې د مختلفو برخو کارکونکو ته ۲۲۴۰ د کار کولو جوازونه هم ورکړې دي چې د تیرکال په پرتله په دغه برخه کې %۵۰ فیصده زیاتوالی راغلی دی
د یادونې وړ ده چې د تیرکال په پرتله د مهترلام ښاروالۍ د بیارغونې کارونه هم زیات شوي چې ډیری خلکو ته پکې د کار کولو زمینه هم برابره شوې ده
