صدرالدین په څه باندې ۳۲ زره افغانۍ ګټونکی وشمېرل شو
د مهترلام ښاروالۍ د تعین شوي کمیټې په حضور کې د مهترلام ښار د لومړۍ ناحيي اړوند د زړې ښاروالۍ د تعمیر غرب خواته او د ابن سینا ترڅنګ د مارکیټ مزایده ترسره شوه چې صدرالدین د صاحب الدین زوی د میاشتې په ۳۲ زره او ۶۵۰ افغانۍ ګټونکی وشمېرل شو
یاده مزایده د مهترلام ښاروالۍ مالي او اداري امریت کې د درېیو داوطلبانو ترمنځ ترسره شوه، چې صدرالدین پکې د لوړ نرخ ورکولو سره ګټونکی اعلان شو
نوموړی شخص به له قرارداد کولو وروسته هره میاشت ۳۲ زره او ۶۵۰ افغانۍ عواید د مهترلام ښاروالۍ بانکي اکاونټ ته ور اضافه کوي.
د یادونې وړ ده چې د تیرکال په پرتله سږکال د یاد مارکیت په عوایدو کې هره میاشت څه باندې ۴ زره افغانۍ زیاتوالی راغی
