مهترلام ښاروال د یوې بلې پروژې قرارداد هم لاسلیک کړ
مهترلام ښاروالۍ خپل د موټرو، وسایطو او تیلو پمپ د ښې ساتنې په موخه د سایه بان پروژه پلې کوي، چې نن د مهترلام ښاروال الحاج مولوي رحمت الله شهامت او په داوطلبۍ کې ګټونکي انس لطیفي ودانیز شرکت سره قرارداد لاسلیک شو
ښاروال د قرارداد پر مهال د شرکت مسؤل ته سپارښتنه وکړه چې کارونه په اساسي او معیاري شکل د پلان مطابق په وخت ترسره کړي
د یادونې وړ ده چې مهترلام ښاروالۍ سږ کال د بیارغونې ګڼ شمېر پروژې په لاره اچولي چې د دریو پروژو چارې پیل شوي او نورې به هم په پرلپسې ډول شروع او ډیری خلکو ته به پکې د کار کولو زمینه برابره شي
