د دویمې ناحیې اړوند شپږم ګذر اوسېدونکو له مهترلام ښاروال سره خپلې ستونزې د حل په موخه شریکې کړې
د مهترلام ښار اړوند د دویمې ناحیې شپږم ګذر د مسلم اباد کلي یو شمېر اوسېدونکو د خپلو ستونزو د حل په موخه له مهترلام ښاروال سره ناسته ترسره کړه
په پیل کې راغلو مشرانو د ښاروالۍ له لوري د خلکو ستونزو ته د پاملرنې او مستقیمې همغږۍ قدردانی وکړ او زیاته یې کړه چې دا ډول مخامخ د ولسونو ستونزې اوریدل د ولس او ادارې ترمنځ اړیکې لا پیاوړې کوي
وروسته د سیمې اوسېدونکو خپلې ستونزې چې پکې د سیمې فرعي سرکونه او ویالې جوړول شامل وو له مهترلام ښاروال سره شریکې کړې او غوښتنه یې وکړه چې یادو ستونزو ته یې باید رسیدنه وشي
مهترلام ښاروال الحاج مولوي نظر محمد عتیق راغلو مشرانو ته د ښه راغلاست ترڅنګ ښاروالۍ د ټولو ګډ کور یاد کړ او ډاډ یې ورکړ چې ستونزو ته به یې په وخت رسیدنه کوي
