د مهترلام ښاروالۍ د تنظیف د برخې کارونه د پلان له مخې په چټکۍ روان دي
د مهترلام ښاروالۍ د تنظیف د برخې د کارکونکو کارونه د پلان له مخې په منظم شکل په چټکۍ روان دي، چې نن یې د لومړۍ ناحيي په مختلفو برخو کې سرکونه، لارې، کوڅې، پلچکونه او ویالې پاکې کړې او کثافات یې ترې راټول کړل
د مهترلام ښاروالۍ د تنظیف پرسول هره ورځ د سهار له ۷ بجو څخه تر مازیګر ناوخته پورې د مهترلام ښار په مختلفو برخو کې خپل فعالیتونه کوي او کثافات راټولوي
مهترلام ښاروال الحاج مولوي رحمت الله شهامت له ټولو ښاریانو څخه غوښتنه کوي چې د ښار په پاک چاپېریال ساتلو کې له ښاروالۍ سره همکاري وکړي، کثافات د ښاروالۍ له لوري په لګول شویو کثافت دانیو کې واچوي ترڅو د ښاروالۍ د تنظیف ډله یې یو لرې ځای ته انتقال او دفن کړي
د یادونې وړ ده چې تیره د مهترلام ښاروالۍ د تنظیف ډلې له لوري د لومړۍ ناحيي اړوند د شیخانو کلي د کوڅو، ویالو، پلچکونو او لارو صفايي ترسره شوې وه
