د مهترلام ښاروالۍ د دوو مارکیټونو مزایده ترسره شوه

د مهترلام ښاروال الحاج مولوي رحمت الله شهامت او د تعین شوي کمېټې په حضور کې د مهترلام ښاروالۍ د درېیمې ناحيي اړوند د R4 د لومړي او دویم مارکیټ مزایده ترسره شوه
په یاده مزایده کې د لومړي مارکیټ لپاره بشېر احمد ولد شېرعلي د (۱۰۰۳۵۰) سل زره او ۳۵۰ افغانۍ نرخ ورکولو سره او دویم مارکیټ لپاره غفران الله ولد محمد یعقوب ۶۱ زره افغانۍ نرخ ورکولو سره ګټونکي وشمېرل شول
د تدارکاتو د قانون مطابق یاده مزایده په ټاکلي وخت پیل شوه چې لومړي مارکیټ لپاره ۱۱ او دویم مارکیټ لپاره ۵ کسانو په بولي کې ګډون کړی وو
د یادونې وړ ده چې سږکال مهترلام ښاروالۍ د چارو ادارې لوی ریاست د هدایت پر اساس خپل د ټول ملکیتونو قرارداد د ازاد رقابت له لارې کوي