د مهترلام ښاروالۍ له لوري د نباتاتو پالنې چارې د پلان له مخې ترسره کېږي

د مهترلام ښاروالۍ د تنظیف او سرسبزۍ مدیریت له لوري د ښار د ښکلا او سرسبزه ساتلو په موخه د پارکونو، شنو ساحو او ښاري ګلدانونو د خروبولو چارې د ټاکل شوي پلان له مخې په منظم ډول هره ورځ ترسره کېږي
نن د یاد مدیریت مسؤلینو له لوري د دغو فعالیتونو مستقیم نظارت ترسره شو، ترڅو ډاډ ترلاسه شي چې خروبول، د نباتاتو ساتنه او د سرسبزۍ پروسه د معیارونو سره سم پرمخ روانه ده
د مهترلام ښاروالۍ د تنظیف او سرسبزۍ مدیریت اوس تازه د پارکونو سمسور او زرغون ساتلو لپاره په یادو پارکونو کې د نیالګیو او شنو ساحو لپاره د اوبه ورکولو سیستم جوړوي چې ټول نیالګي به د پلان له مخې په منظم شکل خړوب او له وچکالۍ به وژغول شي