د مهترلام ښاروالۍ په دریمه ناحیه کې د یو تفریحي پارک مزایده وشوه

د مهترلام ښار په دریمه ناحیه کې د ښاروالۍ اړوند د ډاکټر احمد ظاهر د پارک د یوې برخې ځمکه چې د ځوانانو او ماشومانو د تفریح لپاره برابره شوې، نن یې د مهترلام ښاروالۍ د تعین شوې کمېټې په حضور کې مزایده ترسره شوه
یاده مزایده چې د څلورو داوطلبانو ترمنځ ترسره شوه، په پایله کې یې عبدالرحمن د نسیم ګل زوی د میاشتې په ۶۵۵۰ افغانۍ لوړ نرخ ورکولو سره ګټونکی وپیژندل شو
د یادونې وړ ده چې د عوایدو د زیاتوالي په موخه هر کال د ښاروالۍ ملکیتونه د ازاد رقابت له لارې اعلان ته سپارل کېږي او بیا پرې مزایده او داوطلبي کېږي