د مهترلام ښار د شهید زرقاوي چوک د شاوخوا ویالو او پلچکونو صفايي ترسره شوه
د ښاري نظم د پاک چاپېریال ساتنې په موخه د مهترلام ښاروالۍ د لومړۍ ناحيي د تنظیف زیارکښو کارکونکو له لوري نن د مهترلام ښار د شهید زرقاوي چوک د شاوخوا ویالو او پلچکونو صفايي ترسره شوه.یاده صفايي کې له ویالو او پلچکونو څخه کثافات راټول کړل شول او یو مناسب ځای ته به انتقال او دفن کړل شيد مهترلام ښاروالۍ د تنظیف زیارکښ کارکونکي د سهار له ۷ بجو څخه تر مازیګر ناوخته پورې د مهترلام ښار په پنځه واړه ناحیو کې خپل فعالیتونه کوي او خلکو لپاره پاک چاپېریال برابروي
