د مهترلام ښار له یو شمېر هوټلونو څخه د پاک چاپېریال په موخه څارنه وشوه

د مهترلام ښاروالۍ د ښاري حکومتولۍ آمر الحاج عباس عمري په مشرۍ، چې د ښاري خدماتو مدیر اکرام الله سلیمي او د مارکیټونو مامور حقمل ایوبي یې ملتیا کوله، د مهترلام ښار له یو شمېر هوټلونو څخه د پاک چاپېریال ساتنې او ښاري نظم په موخه څارنه ترسره شوه

د ښاري حکومتولۍ آمر وویل، چې یاده څارنه د مهترلام ښاروال الحاج مولوي نظر محمد عتیق د ځانګړې لارښونې پر بنسټ ترسره شوه، ترڅو په هوټلونو کې د نظم، نظافت او صحي اصولو عملي کېدو ته پاملرنه وشي

نوموړي د هوټلونو مسؤلینو ته سپارښتنه وکړه، چې کارکوونکي دې په ځانګړي لباس فعالیت وکړي او د خپل کاري چاپېریال پاکوالي ته دې جدي پاملرنه وکړي
هغه همداراز ټینګار وکړ، چې د هوټلونو څارنه به دوامداره وي او له اصولو څخه د سرغړونې په صورت کې به له سرغړوونکو سره قانوني چلند وشي

د یادونې وړ ده، چې یاده څارنه د ښاریانو د شکایتونو له امله پیل شوې او تر هغه به دوام ولري، څو ټول هوټلونه د ښاري نظم او صحي اصولو مطابق خپلې چارې پرمخ یوسي