د مهترلام ښار په بېلابیلو ساحو کې د پاک چاپېریال ساتنې په موخه کثافت دانۍ ولګول شوې
د مهترلام ښاروالۍ له لوري د ښاري نظم او پاک چاپېریال ساتنې په موخه د مهترلام ښار په مختلفو ساحو کې ۲۰ غټې فلزي کثافت دانۍ ولګول شوې
یادې کثافت دانۍ د مهترلام ښاروالۍ له داخلي بودجې د یو میلیون افغانیو په لګښت جوړې شوي چې د ښاریانو په غوښتنه او آشد ضروریت پر اساس د مهترلام ښار په پنځه واړه ناحیو کې کېښودل شوې
د کثافت دانیو د لګولو پر مهترلام د مهترلام ښاروالۍ د لومړۍ ناحيي مدیر ملا عباس ابراهیمي له ټولو ښاریانو څخه غوښتنه وکړه چې د ښار په پاک چاپېریال ساتنه کې له ښاروالۍ سره همکاري وکړي، کثافات د ښاروالۍ له لوري په لګول شویو کثافت دانیو کې واچوي، ترڅو د ښاروالۍ تنظیف ډله یې یو مناسب ځای ته انتقال او دفن کړي
