له روانو رغینیزو پروژو د مهترلام ښاروال لیدنه
مهترلام ښاروال انجینر نظیف الله الکوزی او ورسره مل د سکتوری برخې انجینران په مهترلام ښارکې د روانو انکشافې او ساختمانې پروژو له کارې بهیره لیدنه ترسره کړه
مهترلام ښاروال په دې لیدنه کی قراردادي شرکتونو ته سپارښتنه وکړه ترڅو خپل ټول امورات د قرارداد مطابق په معیاري شکل په ټاکل شوې وخت ترسره او پاې ته ورسوي
همدارنګه مهترلام ښاروال او ورسره مل د ښاروالۍ پرسونل ته د سکتوري او تخنیکي برخې انجینرانو اطمینان ورکړچی وخت پر وخت له یادو پروژو لیدنه او نظارت ترسره کوې ترڅو ټول کارونه یی د معیار مطابق ترسره شی
قراردادي شرکتونو په دی لیدنه کی مهترلام ښاروال ته ډاډ ورکړ چی لغمان زموږ کور دې او موږ هم خپل مسوولیت ګڼو چې د هغه په رغاونه او سمسورتیا کی خپل ونډه ولرو
د یادونۍ وړ دی چی اوس مهال ډیري عام المنفعه پروژې په مهترلام ښار کې د ښاروالۍ له لورې د تکمیلیدو په جریان کې دی او د ځینو کارونه شروع شوی دی چی په هغو کې تفریحي پارکونه ،تجارتی مارکیټونه ، د کابل جلال اباد معیارې هډه او نور شامل دی
مهترلام ښاروالۍ دې ته ژمن دې ترڅو له هري ممکنې لارې ښاریانو او هیوادوالو ته خدمات وړاندي کړی او په مقابل کې د ښاریانو مسوولیت دی تر څو مهترلام ښاروالۍ سره څنګ په څنګ ونډه ولری
مهترلام ښاروالۍ
