په مهترلام ښار کې د ښه نظم او دسپلین د رامنځته کولو په منظور د ښاري کمیسیون د غړو له لوري په مهترلام ښاروالۍ کې ګډه ناسته ترسره شوه .
په همدې موخه چهارشنبه د حمل په اتلسمه نیټه د مهترلام ښاروالۍ په مقر کې د کمیسیون د غړو تر منځ ناسته وشوه.
په پیل کې مهترلام ښاروال مجاهد رحمت زي د پرانیستې وینا وکړه او په ښار کې د ښه نظم او دسپلین د رامنځته کولو په ضرورت یې مفصلې خبرې وکړې.
ورپسې د لومړی ناحې مدیر انجینر ذبیح الله حمیدي وویل : مهترلام ښاروالۍ وخت پر وخت کوښښ کوي او دا هڅې راونې دي تر څو وشو کولای په ښار کې عامه لارې د ترافیکو او ښاریانو پر مخ خلاصې وي.
دا چې مهترلام ښار کوچنی اود نفوسو تراکم په کې ډیر دی نو اذدهام رامنځ ته شوی او کوښښ کوو چې دې ستونزې ته اساسي حل لاره پیدا کړو.
همدارنګه مهترلام ښاروال ښاغلي رحمت زي زیاته کړه موږ باید په ښار کې د ولاړو لاس پلورونکو د انتقال په برخه کې د هغه پر بدیل کار وکړو او په لومړي قدم کې باید یو سمت د ښار چې هلته کراچۍ او ترکاري فروشي موجودې دي مناسب ځای ته انتقال شي.
ښاغلي رحمت زي تاکید وکړچې ښاري نظم کمیسیون باید وخت پر وخت دایر شي او په ښار کې خپل فعالیت ډير کړي تر څو بهتره نظم رامنځ ته شي
په ورته مهال د دغه مختلط کمیسیون غړو وویل: دا چې ښار زموږ مشترک دي او هره اداره په خپله برخه کې د ښار د نظم او پاکي په برخه کې خپل مسوولیت لري او باید ترسره یې کړي.
د کمیسیون د غړو تر منځ د نظریاتو د تبادلې پروخت وویل شو هغه ساحې چې په مهترلام ښار کې خالي دي او تش پاتې شوي دا چې شخصي او یا دولتي املاک دي او استفاده ترې صورت نه نیسي نو دغه لاس پلورونکي دې طبقه بندي شي او د هر صنف لپاره دي موقعیت مشخص کړای شي او هلته د انتقال شي .
په اخره کې د یو لړ تصامیمو په نیولو سره ناسته په دعایې سره پای ته ورسیده .
په درنښت
