د دارالمعلمین سرک د جوړیدو قرارداد لاسلیک شو
مهترلام ښاروالۍ د لومړۍ ناحيي اړوند د دارالمعلمین سرک ترمیم چارې ترسره کوي، چې نن یې په همدې موخه د مهترلام ښاروال الحاج مولوي رحمت الله شهامت له لوري په داوطلبۍ کې ګټونکي شرکت سره قرارداد لاسلیک شو
ښاروال وویل: ګلوبل ودانیز شرکت په داوطلبي کې د یاد سرک لپاره لس میلیونه او ۶۲ زره افغانۍ نرخ ورکړی ؤ چې د ولایت مقام د ارزیابۍ کمیټې له لوري ګټونکی شمیرل شوی ؤ، چې نن ورسره قرارداد لاسلیک شو
د قرارداد پرمهال ښاروال د شرکت مسؤل ته سپارښتنه وکړه چې کارونه په اساسي او معیاري شکل ترسره کړي
د یادونې وړ ده چې د تیرکال په پرتله سږکال د مهترلام ښاروالۍ د بیارغونې کارونه زیات شوي او ډیری خلکو ته د کار کولو زمینه هم برابرې شوي ده
