د شهید مولوي حبیب الرحمن پارک د احاطې چارې %۹۰ فیصده بشپړې شوي دي
د مهترلام ښاروالۍ د سږکال پروژو په دوام د څه کم دوه میلیونه افغانیو په ارزښت د مهترلام ښار د دویمې ناحیې اړوند د شهید مولوي حبیب الرحمن پارک د احاطې د جوړیدو چارې په چټکۍ روانې دي چې تر اوسه یې %۹۰ فیصده کارونه بشپړ شوي دي
په دغه پروژه کې د ۱۰۲ متره په طول او ۶۰ متره په عرض احاطه، دوه دروازې او کټارې شاملې دي، چې د احاطې کارونه یې بشپړ شوي او ډیر ژر به یې پاتې نور کارونه هم ترسره شي
یاده دې وي چې په یاده پروژه کې په ورځني ډول ۱۸ کسانو ته د کار کولو زمینه هم برابره شوې ده
